བོད་ཚེས་༡༩ཉིན་གྱི་དགོངས་རྫོགས་དང་འབྲེལ་བའི་གནས་ཚུལ།

1551019579536219.jpg
ཨེ་མ་ཧོ།
སྐྱེ་མེད་གདོས་བྲལ་ཀུན་བཟང་དགོངས་བརྙེས་ཤིང་།

འགག་མེད་ལྷུན་གྲུབ་བསྐྱེད་རྫོགས་ཟུང་འཇུག་ཅན།

གཉིས་མེད་རྩལ་སྣང་བསླབ་གསུམ་རྣམ་པར་དག

སྐྱབས་མཆོག་ཤེས་རབ་མཐར་ཕྱིན་གསོལ་བ་འདེབས།
IMG_0586.JPG

   བོད་ཚེས་༡༩ཉིན་འཆར་ཅན་ལྟར་རིན་སྤུངས་དགོན་དང་སྣང་ཞིག་ལྕགས་མདུད་དགོན། བྲག་གཡུང་དྲུང་དགོན་བཅས་ཀྱིས་རྒྱལ་བ་རྒྱ་མཚོའི་ཆོག་གཞུང་དང་། མཉམ་མེད་བླ་མའི་བླ་སྒྲུབ། ཁོང་རིན་པོ་ཆེའི་ཡི་དམ་ཚེ་དབང་བོད་ཡུལ་མ་སོགས་ཀྱི་ཚོགས་འཁོར་ཕུལ་ཅིང་།

   1551019887283665.jpg1551019844135808.jpg1551019921197429.jpg1551019863495123.jpg

   དེ་ནས་འཆར་ཅན་ལྟར་༧སྐྱབས་རྗེ་མཁན་སློབ་རྣམ་པ་དང་སྣང་ཞིག་རྣམ་རྒྱལ་ཀུན་གྲགས་གླིང་གི་བླ་གྲྭ་འདུས་པ་གཙོས་པའི་གྲྭ་མང་ཡོངས་ཀྱིས་ཚོགས་ཆེན་འདུ་ཁང་ནས་མདོ་གཡུང་དྲུང་ཀློང་རྒྱས་ཀྱི་ཆོག་གཞུང་བསྲངས་ཏེ་བདེ་བར་གཤེགས་པའི་སྟོང་གི་མཚན་བརྗོད་པ་སོགས་ཀྱི་དགོངས་རྫོགས་ཕུལ།

 

  དེ་ནས་འཆར་ཅན་ལྟར་ཁོང་རིན་པོ་ཆེའི་གཞིས་དགོན་སྐྱང་ཚང་དགོན་པའི་བླ་གྲྭ་ཡོངས་ནས་སྨྲ་སེང་སྟོང་སྐུའི་གཞལ་ཡས་ཁང་ནས་ཀུན་རིག་ལས་བཞི་རྒྱུན་ལྔའི་གཏོར་མ་བཅའ་བཟོ་ལག་ལེན་སྐོར་བཅས་ཀྱི་དགོངས་རྫོགས་གྲ་སྒྲིག་གནང་། དེ་ནས་འཆར་ཅན་ལྟར་དགའ་མལ་དགོན་པའི་གྲྭ་མང་ནས་སྒྲུབ་ཁང་ནས་བོན་སྐྱོང་ཚོགས་བརྒྱའི་ཚོགས་འཁོར་ཕུལ།   གཞན་ཉིན་གང་བོ་ལ་དད་ལྡན་མང་ཚོགས་སྟོང་ཕྲག་དུ་མས་སྐུ་གདུང་རིན་པོ་ཆེ་མཇལ་བ་ཞུས།

 

   དེ་ནས་འཆར་ཅན་ལྟར་ཉིན་གུང་ཆུ་ཚོད་༤བ་ཡས་མས་ནས་གྲྭ་མང་འདུས་པ་ཡོངས་ཀྱི་མར་མེ་ཁྲི་ཕྲག་ལྷག་གི་དགོངས་རྫོགས་མཆོད་པ་གྲ་སྒྲིག་གནང་སྟེ། གཡུང་དྲུང་ཆག་ཤིང་། མཆོད་རྐོང་རྣམ་པ། ནོར་བུ་རིན་པོ་ཆེ། འཁོར་ལོ་རིན་པོ་ཆེ་སོགས་ཀྱི་རིས་ཅན་གྱི་རྣམ་པ་དང་། དེ་བཞིན་༧སྐྱབས་རྗེ་རྩ་བའི་བླ་མ་ཤེས་རབ་མཐར་ཕྱིན་མཁྱེན། །ཞེས་པ་སོགས་མཚོན། མཚན་མོ་མར་མེའི་མཆོད་པ་དང་དད་ལྡན་སེར་སྐྱ་ཡོངས་ནས་ཁོང་རིན་པོ་ཆེའི་གསོལ་འདེབས་དབྱངས་སུ་གྱེར་སྟེ་ཚོགས་ཁང་དང་བླ་བྲང་སོགས་ལ་སྐོར་ཕྱག་ཞུས་ཏེ་དགོངས་རྫོགས་ཞུས།

དགའ་མལ་དགོན་ཆེན་གྱི་དོ་དམ་ཨུ་ཡོན་ལྷན་ཁང་དང་
དགོངས་རྫོགས་བཀོད་སྒྲིག་ཚན་ཆུང་ནས་
༢༠༡༩་༢་༢༤ཉིན།