སྐྱང་ཚང་ཕུན་ཚོགས་དར་རྒྱས་གླིང་གི་མ་ཏྲིའི་སྨོན་ལམ་ཆེན་མོ།

 01.jpg
 02.jpg

   མི་ལོ་བདུན་བརྒྱ་ཙམ་ཟིན་པའི་མདོ་སྨད་གཡུང་དྲུང་བོན་གྱི་འདུས་སྡེ་ཆེན་མོ་དཔལ་གཤེན་བསྟན་ཤར་སྐྱང་དགོན་ཕུན་ཚོགས་དར་རྒྱས་གླིང་གི་མ་ཏྲིའི་སྨོན་ལམ་ཆེན་མོའི་འགྲོ་རིམ། ལོ་སར་དཔྱིད་ཟླ་དང་པོའི་ཟླ་བའི་མཇུག་མའི་གནམ་གང་ནས་ཕུར་བའི་སྒྲུབ་པ་དང"དབལ་གསས་སྒྲུབ་པ་"བོན་སྐྱོང་ཚོགས་བརྒྱ་གསུམ་གྱི་གཏོར་མ་སོགས་བྱས་ནས། ཁྱི་ཟླའི་ཚེས་གཅིག་ནས་འདོན་པའི་འགོ་འཛིན་ནས་ཚེས་བདུན་དགོང་ཁར་འཚོགས་ཚར་ནས།

04.jpg

ཡང་ཚེས་བརྒྱད་ནངས་པ་ནས་གྲྭ་མང་འདུས་པ་རྒྱ་མཚོས་བཟླས་ཆོག་རིན་ཆེན་སྒྲོན་མེའི་ཆོ་གའི་གཞུང་བསྲངས་ནས་ཕྱི་འཚམས་སྐབས་ལ་བླ་སློབ་གཙོས་གྲྭ་མང་སེར་འཕྲེང་དུ་ཕེབས་ཏེ་ཐོ་བཞིའི་འཆམ་མཆོང་ནས་ཕྱོགས་བཞི་ཐོ་མཚམས་བཅད། དེ་ནས་ཡར་ཕེབས་ནས་ནང་མཚམས་སྐབས་ལ་ཡང་ནང་འཆམ་མཆོང་བ་དང་དེ་ནས་སྒྲུབ་གཞུང་ལ་འཇུག་སྟེ་འཕྲིན་ལས་བསྲང་།

03.jpg

༧ ཚེས་བཅུ་གཅིག་ཉིན་ལ་དར་མོ་ཆེན་ཡར་བསྒྲེང་ནས་ཨ་ལི་ཀ་ལི་དང་རྣམ་བརྒྱད་ཀྱི་འཆམ་གཉིས་འཆོང་སྟེ་མཆོད་པའི་རྟེན་འབྲེལ་བྱས་ནས་བླ་སློབ་དགེ་སྐོས་དབུ་མཛད་རྣམ་པས་དར་ཆེན་མངའ་དབུལ་རབ་གནས་མཛད་པ།

06.jpg

༧ ཚེས་བཅུ་བཞི་ཉིན་ལ་ལྷ་སྡེ་རྣམས་ལ་བླ་སློབ་གཉིས་ཀྱིས་སྲུང་སྐུད་བྱིན་མདུད་རེ་གནང་སྟེ་མ་རྒྱུད་ཚོགས་འཆམ་སོགས་མཆོང་།

09.jpg

༧ ཚེས་བཅོ་ལྔ་ཉིན་ནི་དགོན་འདིའི་ལོ་གཅིག་གི་མཛད་སྒོ་ཆེན་མོ་ཡིན་ལ། སྔ་མོ་ཆུ་ཚོད་བཞིའི་ཐོག་ནས་དད་ལྡན་ཡོངས་ལ་བླ་སློབ་གཉིས་ཀྱིས་མ་ཏྲིའི་དབང་གནང་བ་དང་། དེ་ནས་ནམ་ལངས་ཁད་ལ་གྲྭ་མང་སེར་འཕྲེང་དུ་ཕེབས་ཏེ་ཕྱོགས་བཞིའི་ཐོ་ལེན། བར་འདིའི་ཐུན་མཚམས་ལ་འཆམ་པ་བ་རྣམས་ཀྱིས་གོས་སྤོ་བ་སོགས་བྱས་ནས་བླ་མ་དང་སློབ་དཔོན"གཉིས་གདུགས་རྒྱ་གླིང་དགེ་གཡོག་དང་བཅས་ནས་ཕེབས་བསུ་བྱས། རྔ་རྡུང་བ་སོགས་རྔ་གྲལ་དུ་ཕེབས་རྗེས་སུ་སྐབས་འདིའི་མ་ཏྲིའི་འབུམ་སྒྲུབ་ཆེན་མོར་འབྲེལ་བ་བྱེད་མཁན་དད་ལྡན་ཡོན་གྱི་བདག་པོའམ་ཁྲི་བ་ཚོ་བསུ་མ་བྱས།

10.jpg

དེ་ནས་དུས་ཆེན་འདིའི་འཆམ་སོགས་ནི་"ཁེར་འཆམ་"རྣམ་བརྒྱད"མ་རྒྱུད་"ཨ་ཙ་ར"སྤྲེལ་འཆམ་"སེང་གེ"བསྒྲལ་སྟབས"དུར་ཁྲོད"ཤྭ་འཆམ"གཤེན་རབ་དགུ་འཆམ་མཆོང་ཞོར་དུ་གྲྭ་མང་མདོས་ལམ་སེར་ཕྲེང་དུ་ཕེབས་ཏེ་ཁྲོ་ཆེན་རིགས་བཞིའི་མདོས་འཕེན་བླ་མས་གཏོར་མ་འཕེན་བ་མཛད།

12.jpg 

ཡང་ཡར་ཕེབས་ནས"་ནོར་བུ་དགའ་འཁྱིལ་"བྲོ་རྡུང་"གཤེན་རབ་མཆོད་རྔ་རྡུང་། བླ་མ་སློབ་དཔོན་དགེ་དབུ་མཛད་གཙོ་བོར་བྱས་ནས་མ་ཏྲིའི་གཙོ་གཏོར་དང་བུམ་པ་སོགས་ཁྱེར་ཏེ་རྔ་གྲལ་ཁང་དུ་ཕེབས་བསུ་བྱས། དད་ལྡན་མང་ཚོགས་ལ་"མ་ཏྲིའི་རིལ་བུ་"བགོ་བཤའ་བྱས་ཚར་ནས་ཡར་བསུས་ཏེ་ཉིན་དེའི་ལས་ཚར།

13.jpg
 05.jpg
14.jpg

༧ ཚེས་བཅུ་དྲུག་ཉིན་གྱི་ནངས་པ་འཁར་རྔ་རྡུང་མ་ཐག་ནས་ཡར་བཞེངས་ཏེ་དགོན་འདིའི་རྒྱབ་དུ་"པོམ་རའི་ལ་བཙས་"གསོ་རུ་ཕེབས་ཏེ་དྲི་ཞིམ་ལྡན་པའི་འཁན་ཤུག་སོགས་ཀྱིས་བསང་མཆོད་ཕུལ་བ་དང་ཁ་བཤད་རླུང་རྟ་རྒྱག་པ་སོགས་བྱས། གྲྭ་མང་མར་བྱོན་ཏེ་བཀྲ་ཤིས་ལྷ་རྒྱལ་བྱས་ནས་མཇུག་རྫོགས་སོ། །